O Adelaide Oval é o principal estadio deportivo da cidade de Adelaida, en Australia. O seu terreo de xogo con forma oval serve para a práctica do crícket e do fútbol australiano, malia que tamén pode ser empregado para o fútbol ou o rugby. O recinto foi aberto en 1871 e despois da última reforma rematada en 2014 a capacidade das bancadas é de 53,583 localidades, o que fai do Adelaide Oval o cuarto estadio de Australia.